أفضل قصائد الشاعر أحمد الناصر الشايع

الكاتب: رامي -
أفضل قصائد الشاعر أحمد الناصر الشايع
"

أفضل قصائد الشاعر أحمد الناصر الشايع


أحمد بن ناصر بن علي بن شايع بن حمد بن محمد الزمامي المسعري الدوسري الشهير بـ أحمد ناصر الشايع، من مواليد الزلفى عام 1921 م الموافق 1339 هـ، شاعر كبير من شعراء النظم والمحاورة، وقد اشتهر بلقب أمير الشعراء .



أحمد ناصر الشايع


نشأ الشاعر الكبير أحمد ناصر الشايع في الزلفى، وقد بدأ يكتب الشعر من سن الرابعة عشر، واشتهر كونه أفضل شعراء النظم والمحاورة، لذا فهو شاعر مخضرم لقب بـ أمير الشعراء ، وله عدة دواوين شعرية مثل : ديوان أحمد ناصر الشايع، ديوان نسمات الربيع وغيرهم، وقد توفى العام الماضي 2017 تحديدا يوم الثامن من يناير .



أفضل قصائد الشاعر أحمد الناصر الشايع


1- قصيدة دارنا الزلفي


ابتدي باللي عليه اعتمادي عالم بالبينه والخفية


كل شي مرجعه النفادي غير والي العرش ورب البرية


دارنا الزلفي لياجا الوكادي مربع الأجناب والآهلية


دارنا اللي يوم وقت الطرادي دونها نارد احياض المنية


كم طردنا من عدو معادي ما يجبيها دام الروح حية


جعل وبل السيل مع كل وادي من حقوق المزنه العقربية


يسقي الزلفي نفود او حمادي   والجبل يمشي شعيب وشغيه


فعل أهلها عند حضر وبوادي يشهد الرجلي وراعي المطية


ربعي لو ينادي المنادي يظهرون اهل الوفا والحمية


ما حد منهم وقف بالحيادي من ذكرهم فزعته واهنيه .



2- قصيدة ليت العمر ينباع


ليت العمر ينباع والله لشريه وأروح للطيّب وأزوّد سنينه


وإلا الردي لعل تقصر لياليه ما من وجوده فايده خابرينه


أفزع مع الطيّب عسى الله يخليه اللي لفعل الطيب تبذل يمينه


خل الردي لعل تكثر بلاويه ثقيل دم وفوق ذا ثقل طينه


ياللي عبيده تطلبه ثم ترجيه أعطف على عبدك وقوّه بدينه


وإلا الردي ما همني وش يجي فيه لو غاب ما همب العرب فاقدينه


لا واحسافه كيف يصبح مساويه النذل والطيّب سوى بالسفينه


مواقف الطيّب تعزه وتغليه وإلا الردي لعل ربي يهينه


أشكي على اللي شامخات هقاويه أبو محمد جعل ربه يعينه


مواقفه هالحين وإلا بماضيه ترفع له البيضاء على أعلى جبينه


اللي يلبي كل صوت يناديه رجل المواقف كلنا عارفينه


إليا لفى كل الجماعة تحييه أحد يحب الخشم وأحد يدينه


من حشمته كل يحبه ويغليه أبو محمد جعل يبطي سنينه


أقول كلمة حق والله ما أرجيه أرجي كريم كلنا عابرينه .



3- قصيدة عنيزة ديرة أهل الفخر


بالله يا للي تبا الفيحا عنيزة ديرة أهل الفخر يا سعد منهم عضوده بالشدايد والزمان العسير


نطاحة الكايده لا قل بالدنيا بعير الظهر  الطيب منهم وفيهم كلهم كبيرهم والصغير


جعل السلامة زهابك بالطريق الى نويت السفر اسلم وسلم على عيال العميم صغيرهم والكبير


أهل الوفا والمروّة والشهامة لويشين الدهر من يديك ليدين صالح خذ كتابي جعل خيرك كثير


يا بو محمد ليالينا تصافق مثل موج البحر عجزت أميّز لها وجه او قفا يا الله مقسوم خير


واحترت مدري وش اخذ وش اخلي بين هم وقهر المبتدا زين مير المقبلات الله علم وش يصير


اللي ذبحني بغير اسلاح ما جا منه علم أو خبر اللي بعقلي وروحي في حياتي صايرن لي خشير



متى على الله عيوني من صخيف الروح تملا النظر القلب لولا الضلوع اللي يردنه خطير يطير


كن الشهر لي سنه عقب التفرق والدقيقة شهر يا الله تلطف بحال المغرم العاشق عليل الضمير


يا صدق راع المثل قال الهوى والحب كله خطر والزين مثل الحيا متبوع مشهاة الغني والفقير


اتلا الخبر يوم وادعني واقدماه طريق الحفر للديرة اللي ورى الرقعي يقود القلب سلك الحرير


أصعب علي شوفته من شوفة اللي فوق سطح القمر لا شك ابصبرا على ما صابني لين الفلك يستدير .



4- قصيدة سلام يالوادي


سلام يالوادي اللي قِد نزلك العام مخلوق مدري من اي النحايا راح من ديره إلى ديره


لكنّ إلى جيت مدهاله وقفت وصابني عوق يحتار عنده قدم رجلي وياقف عن مسيره


ماهوب ودي ولكن حب خلي ساقني سوق أناظر البيت من عقبه واسولف مع قصيرة


من كثر ما أقبل معه واقفي معه سويت طاروق هذي سواة العشير اللي شكا فرقا عشيرة



ياشين فرقا الضحى شيناه والمطرود ملحوق الله يظفي على اللي راح جنحان الستيرة


وشلون ابدله وقلبي مع صخيف الروح ماسوق لوى هني المعافي مااشتكي شره وخيره


وأنا تطارد هواجيسي وحِمل الغبن مطبوق اجحد صوابي عن العالم وأنا روحي خطيرة


قالوا لي الناس خل المنتحي والحي مرزوق والناس واجد ولكن ماتريد النفس غيره


يقوله اللي يبي خله وله بالدرب خازوق ماله جِدى إلا تكسر عبرته بأقصى ضميره .


"
شارك المقالة:
3 مشاهدة
هل أعجبك المقال
0
0

مواضيع ذات محتوي مطابق

التصنيفات تصفح المواضيع دليل شركات العالم
youtubbe twitter linkden facebook